Tuesday, August 13, 2013

တ စ စ ပြယ် .....

ရခဲ့တယ်ထင်ခဲ့တဲ့ မေတ္တာတွေကွဲရှကုန်တယ်..။
အပိုင်းအစတွေ ယုယုယယကောက်ယူကြည့်တော့
ပုလင်းကွဲတောင် အတုတွေဆိုတာ သွားတွေ့တယ်
ထိုက်တန်ခဲ့ပါတယ်....
ကိုယ့်လို လူအတွက် ...
တကယ်....ထိုက်တန်ခဲ့ပါတယ်...
ညီမလေး ခေါ်သံရဲ့ နေရာမှာ သူစိမ်းဆန်ဆန်နှုတ်ဆက်ခြင်းနဲ့
ညီမ ဆိုတာတွေ ထပ်လာတယ်..
ကွယ်...ကိုယ် ကပဲ အနုစိတ်လွန်းတယ်ထင်ရဲ့....
တကယ်ပါ
ခေါ်သံတွေမှာ
ဘာသာမပြန်မိခဲ့ရင်ကောင်းမယ်
သက်မဲ့စာလုံးတွေမှာ
အေးစက်ခြင်းတွေရှာမတွေ့ခဲ့မိရင်ကောင်းမယ်
ကိုယ်..ဟာ...
နုံအ သူလည်း ဖြစ်ရဲ့
သိမ်ငယ်သူလည်း ဖြစ်ရဲ့
တစ်ခါနူးညံ့ရင်
ဘ၀ဆုံးတိုင်
အပြီးအစီး မှတ်တယ်
လူ့ယဉ်ကျေးဂုဏ်တန်တွေရဲ့
မင်္ဂလာပါခင်ဗျာ / ရှင်
လှိုက်လှဲနွေးထွေးတယ် ထင်မှတ်ခဲ့တာ
မှား...........တယ်
ကိုယ် ဖွင့်ဟပေးခဲ့တဲ့
သက္ကရ်ာဇ်တွေတွက်
ရင်းနှီးနားလည်တယ်ထင်ခဲ့တာ
မှား.....တယ်
“ရိုးတာ ကောင်းတယ်..အ တာ မကောင်းဘူး”
အစ်ကို တစ်ယောက်က ဆိုခဲ့ရဲ့
ဟုတ်ကဲ့ပါ..လူ့လောက
ကျွန်မ ခပ်တုံးတုံးနဲ့
ရိုး...အ နေပါရစေ
“ဘာမဆိုဖွင့်ဟတိုင်ပင်လို့ရတယ်”
ခါတရံ ကြားယောင်ရဲ့
မသိခြင်းမှန်သမျှ
သိခြင်းတွေ ပြည့်နှက်တဲ့အခါ
အေးစက်ဝေးကွာခြင်းကို ဖြစ်စေသတဲ့
မင်္ဂလာပါ ....
ဒီစကားသံမှာ ပွင့်လင်းဖော်ရွေမှု မရှိတတ်တော့တာ
မျက်လုံးစုံမှတ်လိုက်တဲ့
ကိုယ့် နှလုံးသားပဲထင်ရဲ့
ထိုက်တန်ခဲ့ပါတယ်
ကိုယ်..လို လူအတွက်
တကယ်.........
ထိုက်တန်ခဲ့ပါတယ်..။

19.3.2013
AM;11;56

No comments:

Post a Comment