ချစ်သူ (၃)

ပူပြင်းရှတတဲ့ လွမ်းဆွတ်မတွေ မရှိပါဘဲနဲ့ ရင်ထဲက စိမ့်ကနဲသတိရမိတဲ့ အခါ မျက်ရည်အနည်းငယ်စို့သွားတယ် သက်ငြိမ်......

ကိုယ် ငိုချင်လာတာရယ် မဟုတ်ပါဘူး
မင်းကို မြင်ယောင်ပြီး သတိတရရှိလွန်းလှတဲ့ ကိုယ့် ရင်မှာ တိုင်တည်ခြင်းသွေးတွေ လှည့်ပတ်စီးဆင်းနေတာပါ

ဒီနေ့ ရုံးမှာ ကိုယ့် Department က ကိုယ် တစ်ယောက်တည်း အိုတီဆင်းရတယ်
တံခါးမကြီးကို ပိတ်ထားပြီ်း တစ်ယောက်တည်း စိတ်ရှိလက်ရှိသီချင်းတွေ အကျယ်ကြီး ဖွင့်လို့ရတယ်
မင်း သိပ်ကြိုက်တဲ့ သီချင်းတွေ ကိုယ် ဖွင့်လျှက်ပေါ့
နားမလည်တာတွေလဲ ပါရဲ့
ဒါပေမယ့် ကိုယ့် စိတ်ထဲမှာ မင်း နဲ့ အတူ နားထောင်နေရသလိုခံစားနေရတယ်။

လုပ်ငန်းဆိုင်ရာစာရင်းတွေ တစ်ခု ချုပ်ပြီးတိုင်း ကုလားထိုင်နောက်မှီကို မှီပြီး မျက်နှာကြက်ကို မော့ကြည့်မိတယ်
မင်း နဲ့ ပြောခဲ့တဲ့ စကားသံတွေ ကိုယ်ပြန်ကြားယောင်တော့ နှုတ်ခမ်းအစုံကအလိုလိုပြုံးလာတယ်..
ဒီအချိန်ဆို အပြင်မှာ နေတွေသိပ်ပူနေမလားကွယ်
မင်း သိပ်ကို နွမ်းလျလို့နေမလား.....။

မျက်ရည်တွေစိုစွတ်တဲ့ လွမ်းဆွတ်မှုဆိုတာကို ကိုယ် ခံစားဖူးခဲ့ပြီ သက်ငြိမ်
မေတ္တာဆိုတာကို ကိုယ် နားလည်ခဲ့ပြီ
ပန်းကလေးတွေကို လှလိုက်တာဆိုပြီး မွှေးကြူဖို့၊ ထိတွေ့ဖို့၊ ပန်ဆင်ချင်လိုတဲ့ ဆန္ဒမရှိဖူးခဲ့တဲ့ ကိုယ်
သေးငယ်တဲ့ အိမ်မွေးတိရိစ္ဆာန်လေးတွေကို ရှိနေ၊ သိနေရုံကလွဲပြီး ပွေ့ချီဖို့၊ မြှုငင်ဖို့၊ ပွတ်သပ်ချော့မော့ဖို့ တရံခါမှ မစဉ်းစားဖူးတဲ့ ကိုယ်
ဝါဿနာပါရာစာလေးတွေ ရေးသားခြင်းမှာ ဆောင်းပါးတွေ၊ အက်ဆေး တွေ ကလွဲပြီး ချစ်ခြင်းမေတ္တာအကြောင်း တရံဆစ်မှ မရေးချင်ခဲ့တဲ့၊ မရေးဖြစ်ခဲ့တဲ့ ကိုယ်
အဲသလို ကိုယ့် နှလုံးသားဟာ မင်း ကြောင့် နွေးထွေးညင်သာလာခဲ့ရတယ်ဆိုရင်………။

ဒါ ဟာ လိုအင်ဆန္ဒပါတဲ့ အချစ် မဟုတ်ဘူးဆိုတာကို ကိုယ် အသေအချာ သိနေပါတယ် သက်ငြိမ်
အချစ်ဆိုတာ တရံခါမှ မယုံကြည်ဖူးတဲ့၊ အထင်မကြီးခဲ့တဲ့ ကိုယ် ဟာ …ဒီလို နူးညံ့သိမ်မွေ့တဲ့ ခံစားချက်ကို ကိုယ်တိုင် လိုချင်ဆန္ဒဆန်တဲ့ အချစ် လို့ နာမည်မရေးထိုးရက်ပါဘူး
ကိုယ် မင်း ကို လိုအပ်ခဲ့တာ မဟုတ်ခဲ့သလို၊ မင်း ထံက ဘာမှလည်း လိုချင်နေခဲ့တာ မဟုတ်ခဲ့ပါဘူး
မင်း နားလည်နိုင်ပါ့မလား သက်ငြိမ်
ကိုယ့် ဘ၀ရဲ့ တစ်ခုတည်းသော ဖြူစင်အေးချမ်းမှုများနဲ့ တန်ဖိုးထားလေးစားမြတ်နိုးရာ ရတနာတစ်ခုအနေနဲ့ မင်း ကို တည်ရှိစေခဲ့တာပါ
မင်း သိရှိဖို့ မလိုအပ်သလို၊ ဘာမှလဲ ပြန်ပေးဖို့ မလိုအပ်ပါဘူးကွယ်။

သက်ငြိမ်……
ကိုယ် မျက်ဝန်းအစုံခဏမှေးမှိတ်တဲ့ခဏ…မျက်ရည်အနည်းငယ်ကျတယ်
မင်း ကို လွမ်းဆွတ်သတိရခြင်းတွေ လှိုက်ကနဲ စိမ့် စိမ့် တက် လာတယ်
မင်း ဘာတွေများ လုပ်နေမလဲ
သီချင်းကို ခပ်တိုးတိုးဖွင့်ပြီး ကိုယ် ဖတ်ခွင့်မရှိတဲ့ စာတွေကိုများ ရေးနေသလား
စိတ်နှလုံးအေးချမ်းတဲ့ မင်း ဟာ ငြိမ်ငြိမ်သက်သက် ပျော်ပျော်ရွှင်ရွှင်ကလေးရှိနေမှာ ကိုယ် သိပါတယ်
မင်း ကို လွှမ်းခြုံထားတဲ့ ဝေဒနာများအလယ်မှ လွတ်မြောက်နိုင်ပါစေ
အလွှာတစ်ခုရဲ့ တစ်ဘက်ခြမ်းက မင်း ကို ဖြူစင်အေးချမ်းတဲ့ မေတ္တာတွေနဲ့ ကိုယ် ပို့သပေးတဲ့ မေတ္တာတွေကြောင့် မင်း ဘ၀ ဒါ့ထက်ပိုပြီး အ, စစ အ ရာရာ အေးချမ်းသာယာနိုင်ပါစေ။

သက်ငြိမ်…………
မင်း အကြောင်း တွေးမိတဲ့အခိုက် ကိုယ့် မျက်ဝန်းက မျက်ရည်က အလိုလိုတိတ်ပြီး မျက်နှာက ပြုံးယောင်သန်းလာတယ်
မင်း ဟာ အရိပ်အငွေ့နဲ့တောင် ကိုယ့်ကို အေးချမ်းစေခဲ့တဲ့ သူပါ၊

သက်ငြိမ်…..
မင်း ဟာ ကြင်နာခွင့်လွှတ်တတ်တဲ့ နှလုံးသားရှိနေသလို
ပြတ်သားခိုင်မာတဲ့ ဆုံးဖြတ်ချက်တွေ၊ ဘ၀ရပ်တည်မှုတွေ ရှိနေတာလည်း ကိုယ် သိခွင့်ရခဲ့တယ်
အဲ့အချိန် ကြည်နူးစိတ်နဲ့ မျက်ရည်ဝိုင်း ပြုံးမိနေတယ် ဆိုတာ ဟို တစ်ဘက်ခြမ်းက မင်း သိမှာမဟုတ်ပါဘူး
ကိုယ့်နှလုံးသွေး သားငယ်တစ်ယောက်ရဲ့လုပ်ဆောင်ချက်ကလေးအပေါ် မိခင်တစ်ယောက်ရဲ့ ဂုဏ်ယူ ချစ်ခင်ခြင်းများနဲ့ ခံစားချက်နဲ့ထပ်တူ ကိုယ် ကြည်နူးဝမ်းသာနေမိခဲ့တယ်
ကိုယ် မင်း ကို စိတ်ချတယ် လို့ ပြောမိရင် မင်း များ ခပ်သဲ့သဲ့ရယ်မောမိလေမလား
အခုတောင် ကိုယ် ရယ်မောမိတယ်
စိတ်အားအင်တွေ မင်း ဆီက အမြဲရယူခဲ့ရတဲ့ ကိုယ် က မင်း ကို စိတ်ချတယ်လို့ ပြန်ပြောတော့ ပြုံးချင်စရာဖြစ်မနေဘူးလား။

ဒါပေမယ့် သက်ငြိမ်ရယ်..
လောကဓံရဲ့ ဘယ်ရိုက်ချက်ကိုမဆို မတုန်မလှုပ်ရင်ဆိုင်နိုင်တဲ့ မင်း အတွက်
ဘ၀ရဲ့ အနိမ့်အမြင့် လှိုင်းအပုတ်ကို ကြံ့ခိုင်တဲ့စိတ်ဓာတ်နဲ့ အပြုံးမပျက်ရင်ဆိုင်နိုင်တဲ့ မင်း အတွက်
သည်းခံခွင့်လွှတ်ခြင်းတွေ ရှိသလောက် ကိုယ့် ရပ်တည်ချက်ကို ခိုင်မာပြတ်သားစေနိုင်တဲ့ မင်း အတွက်
မိသားစု၊ ပတ်ဝန်းကျင် အသိုင်းအ၀ိုင်းအပေါ် ငြိမ်းချမ်းအေးမြတဲ့ မေတ္တာနဲ့ အမြဲ လွှမ်းခြုံထားနိုင်တဲ့ မင်း အတွက်
ကိုယ် … တ က ယ် စိ တ် ချ ပါ တ ယ်။

အပြင်မှာ နေတွေပူနေပြီ သက်ငြိမ်
ဂရုတစိုက်ကလေးနေပါ
အပေးအယူမပါတဲ့ မေတ္တာရဲ့ စွမ်းအင်လှိုင်းနဲ့ မင်း အေးချမ်းပျော်ရွှင်နေဖို့ ခပ်တိုးတိုးရေရွတ်မိပါရဲ့
ကြည်လင်သောအပြုံးနဲ့ နွေးထွေးစွာပြုံးနေနိုင်ပါစေ ချစ်သော သက်ငြိမ်…။ ။

30.3.2013
AM:11:27